आला स्वप्नांचा मधुमास
आला स्वप्नांचा मधुमास उमलवीत उरिंचा उल्हास निद्रेच्या भूमीवर फुलल्या स्वप्नसुमांच्या कळ्या कोवळ्या मूक मनीषा अंतरांतल्या उधळती स्वैर सुवास ही नटवी प्रीतीची कलिका घडि घडि दावी अनंतरूपा धुंद करी अर्पुनि मनमधुपा अद्भुत प्रणयविलास टवटवलीं मृदु शैशवसुमनें लेवुनि तें मधुमंगल लेणें अनिर्बंध मन गुंगत गाणें भोगी छंदसुखास जागृतींत जें जें वांच्छियलें तें तें या स्वर्भूमधि रुजलें रसरंगें अंतर्जग नटलें नाचत जीवन रास