आली आली हो भागाबाई

Aali Aali Ho Bhagabai

जगदीश खेबूडकर

तिनं साडी आणा म्हंटली, आणली !
तिनं चोळी आणा म्हंटली, आणली !
तिनं नथ आणा म्हंटली, आणली !
तिनं बुगडी आणा म्हंटली, आणली !

अहो दाजिबाच्या वाड्यात गडबड झाली
माडीवरची मंडळी खाली आली
आली आली हो भागाबाई
आली आली हो भागाबाई !

भागाबाई बोलली हटून
आणि लग्‍नाला बसली नटून
तिथं नवर्‍याचा पत्त्याच नाही
आली आली हो भागाबाई !

भागाबाई पडली ईरेला
ह्यो बापई नवरा ठरिवला
त्याच्या तोंडाला नाकच नाही
आली आली हो भागाबाई !

अशी आमुची भागाबाई शहाणी
तिच्या जल्माची झाली कहाणी
कडं पात्तूर एकलीच र्‍हाई
आली आली हो भागाबाई !

From https://www.aathavanitli-gani.com/Song/Aali_Aali_Ho_Bhagabai