धुंद होते शब्द सारे
Dhund Hote Shabd Sare
कौस्तुभ सावरकर
धुंद होते शब्द सारे, धुंद होत्या भावना
वार्यासंगे वाहता, त्या फुलापाशी थांब ना
सये ये, रमुनी सार्या या जगात रिक्त भाव असे परि
कैसे गुंफु गीत हे?
धुंद होते शब्द सारे !
मेघ दाटून गंध लहरुनि बरसला मल्हार हा
चांदराती भाव गुंतुनी बहरला निशिगंध हा
का कळेना काय झाले, भास की आभास सारे
जीवनाचा गंध हा, विश्रांत हा, शांत हा !
धुंद होते शब्द सारे, धुंद होते भाव सारे
सये ये, रमुनी सार्या या जगात रिक्त भाव असे परि
कैसे गुंफु गीत हे?
धुंद होते शब्द सारे !