ध्वज तेजाळुनी स्वातंत्र्याचा

Dhwaj Tejalun Swatantryacha

पी. सावळाराम

ध्वज तेजाळुनी स्वातंत्र्याचा
सूर्य सांगतो त्रैलोक्याला
युगनिर्माता महाराष्ट्राचा
आज शिवाजी राजा झाला
राजा झाला

महान पहिला छत्रपती
राजदंड तो घेता हाती
घरोघरी ती समता-प्रीती
धर्मक्षेत्री वास्तुशांती
देवही आला देऊळाला
आज शिवाजी राजा झाला
राजा झाला

निर्भयतेची किरिट-कुंडले
लेऊन जनता वचनी बोले
वंद्य जयाच्या चरणी चाले
चौदा रत्‍ने उधळित आले
त्रिभुवन अवघे दरबाराला
आज शिवाजी राजा झाला
राजा झाला

शिवरायाचे रूप पहावे
शिवरायाचे चरित्र गावे
शिवकार्याचे सेवक व्हावे
मुजरा पहिला छत्रपतीला

From https://www.aathavanitli-gani.com/Song/Dhwaj_Tejalun_Swatantryacha