गाउं त्यांना आरती

Gau Tyana Aarati

कवी यशवन्‍त

संगरीं वीराग्रणी जे धैर्यमेरू संकटीं
जन्मले या भारतीं
राष्ट्रचक्रोद्धारणीं कर्णापरी ज्यांना मृती
गाउं त्यांना आरती.

कोंदला अंधार मार्गीं खांचखड्डे मातले
तस्करांनीं वेढिलें
संभ्रमीं त्या जाहले कृष्णापरी जे सारथी
गाउं त्यांना आरती.

स्वार्थहेतूला दिला संक्षेप ज्यांनीं जीवितीं
तो परार्थी पाहती
आप्तविस्तारांत ज्यांच्या देशही सामावती
गाउं त्यांना आरती.

देह जावो देह राहो नाहिं ज्यांना तत्‌क्षिती
लोकसेवा दे रती
आणि सौभद्रापरी देतात जे आत्माहुती
गाउं त्यांना आरती.

From https://www.aathavanitli-gani.com/Song/Gau_Tyana_Aarati