जा पवना जा वेगें
जा पवना जा वेगें मिरव जनीं शुभवार्ता शिवनेरीं घेत जन्म शुभयोगें शककर्ता ! सरली नैराश्यनिशा उजळल्यात दाही दिशा पूर्वक्षितिजिं येत अरुण देत अभय शिवभक्तां ! दिवस खचित सोन्याचा घुमत गजर वाद्यांचा अवतरला काय कृष्ण दंडण्यास परसत्ता ! सह्याचल थरथरला गंहिवरला मनीं हंसला पाहण्यास मुखचंद्रा आतुरली उत्सुकता ! वळत वळत बाळमुठी लव हंसला जगजेठी श्रीशिवाईचा प्रसाद उचलुनि घे वत्सलता !