जाळीमंदी पिकली करवंदं
Jalimandi Pikali Karavanda
ग. दि. माडगूळकर
भर उन्हांत बसली धरुन सावली गुरं
न्हाइ चिंता त्यांची तिन्हीसांजपातुर
चला दोघं मिळुनी चढू टेकडीवर
चढता चढता धरा हात की वाट नसे रुंद
जाळीमंदी पिकली करवंदं !
तुम्ही बाळपणापासून जिवांचं मैतर
ही तरुणपणातील बाळपणाची लहर
कुणी बघत नाही तो चला गडे लौकर
आंबटगोडी चाखु वाटते, पुरवा की छंद
जाळीमंदी पिकली करवंदं !
मज लाज वाटते सांगाया ते धनी
घ्या तुमचं तुम्ही जरा तरी समजुनी
पाळणा उद्याचा हलतो माझ्या मनी !
दर्या टेकड्या चला धुंडुया होउनी बेबंद
जाळीमंदी पिकली करवंदं !