कळले नाही कधी उसवले

Kalale Nahi Kadhi Usavale

गुरु ठाकूर

कळले नाही कधी उसवले
लक्तर जगण्याचे
गेले फाटून उडण्याआधी
पतंग स्वप्‍नांचे
नशिबी आली फरपट माझ्या
कारण चुकली वाट
नकोस गिरवू तीच उजळणी
तू ही पुन्हा दिनरात

चुकली सारी गणिते
केवळ शून्य उरे हाती
उडुनी गेली वर्षे
झाली जन्माची माती
पसार झाली नाती सगळी
सोडून अंधारात
नकोस गिरवू तीच उजळणी
तू ही पुन्हा दिनरात

जाती भावना जळुनी
जेव्हा व्यवहारी जग छळते
गुंता होतो ह्या जगण्याचा
अन्‌ नियती भेसूर हसते
चुकले कोठे कळण्याआधी
होते वाताहात
नकोस गिरवू तीच उजळणी
तू ही पुन्हा दिनरात

From https://www.aathavanitli-gani.com/Song/Kalale_Nahi_Kadhi_Usavale