कशी कसरत दावतुया न्यारी

Kashi Kasarat Davatoy Nyari

शान्‍ता शेळके

काडकीच्या टोकावर ताणलाय दोर
दावतोय करामत इवलासा पोर
न्हाई नजर ठरणार वरी, खेळ डोंबारी करी
कशी कसरत दावतुया न्यारी, खेळ डोंबारी करी

दुमडुन एक केली पोट आणि पाठ
जल्माची घातलीया मरणाशी गाठ
जीव लाखाचा फेकलाय वरी
कशी कसरत दावतुया न्यारी, खेळ डोंबारी करी

शेलाट्या अंगाची घातलीया घडी
लवलव लवतिया वेताची छडी
फूल डोंगरचं फुललंय्‌ दारी
कशी कसरत दावतुया न्यारी, खेळ डोंबारी करी

घडीत आभाळ घडीत धरती
कोरभर भाकर पोटाला पुरती
पान मघावती रानातली दरी
कशी कसरत दावतुया न्यारी, खेळ डोंबारी करी

From https://www.aathavanitli-gani.com/Song/Kashi_Kasarat_Davatoy_Nyari