तें दूध तुझ्या त्या घटांतलें
तें दूध तुझ्या त्या घटांतलें कां अधिक गोड लागे नकळे. साईहुनि मउमउ बोटें तीं झुरुमुरु झुरुमुरु धार काढती, रुणुझुणु कंकण करिती गीती का गान मनांतिल त्यांत मिळे? अंधुक श्यामल वेळ, टेकडी झरा, शेत, तरू, मधे झोपडी त्यांची देवी धारहि काढी का स्वप्नभूमि बिंबुनि मिसळे? या दृश्याचा मोह अनावर पाय ओढुनी आणी सत्वर जादु येथची पसरे मजवर का दूध गोडही त्याचमुळे?