उजाडल्यावरी सख्या निघून
उजाडल्यावरी सख्या निघून जा घराकडे अजूनही उशीवरी टिपूर चांदणे पडे उगीच वेळ सारखी विचारतोस काय तू? पुन्हापुन्हा मिठीतही शहारतोस काय तू? पुन्हा अशी हवी तशी कुणास रात्र सापडे? अजून कुंतलात या तुझा न जीव गुंतला अजून पाकळ्यांतला मरंदही न संपला अजूनही कसे तुझे लबाड ओठ कोरडे? अजून थांब, लागली जगास झोप आंधळी दिसेल या नभातही हळूच रात्र सावळी तुलामला विचारुनी फुटेल आज तांबडे